ថ្លែងក្នុងព្រឹត្តិការណ៍ដាក់បង្ហាញស្មាតហ្វូន P20/P20 Pro ប្រធានផ្នែកក្រុមហ៊ុន Huawei លោក Richard Yu បានមានប្រសាសន៍ថា៖ "ថ្វីបើបរាជ័យក្នុងការប្រឡូកចូលទីផ្សារអាមេរិក ក៏យើងនៅតែប្តេជ្ញាថានឹងយកលេខ ១ ក្នុងទីផ្សារពិភពលោកឲ្យទាល់តែបាន"។
ការលើកឡើងនេះឆ្លើយតបទៅនឹងរឿងរ៉ាវ ជុំវិញបរាជ័យការចុះកុងត្រាជាមួយក្រុមហ៊ុន AT&T និង Verizon ក្នុងការបន្តចែកចាយផលិតផល Huawei ក្នុងទីផ្សារអាមេរិក។ ស្រដៀងគ្នានេះក្រុមហ៊ុន Best Buy ដែលជាគេហទំព័រលក់រាយគ្រឿងអេឡិចត្រូនិកក៏ត្រូវបានគេរាយការណ៍ថាបានបញ្ឈប់ការលក់ផលិតផល Huawei មិនថាទូរសព្ទ, កុំព្យូទ័រយួរដៃ និងនាឡិកាតាំងតែពីខែមុនមកម្ល៉េះ។
លោក Yu ក៏ធ្លាប់បញ្ជាក់ប្រាប់ទៅ CNBC កាលពីខែកុម្ភៈដូច្នោះថា៖ **"ទាំងដែលពួកគេគ្មានផ្លូវយកឈ្នះយើងលើផលិតផល, បច្ចេកវិទ្យា និងការបង្កើតថ្មី បែបនេះអ្វីដែលគេអាចធ្វើបានមានតែប្រើយុទ្ធសាស្ត្រនយោបាយក្នុងគោលដៅទាត់ពួកយើងចេញពីទីផ្សារអាមេរិក"**។
ជុំវិញរឿងរ៉ាវនេះលោកក៏ធ្លាប់បាននិយាយថាត្រូវការពេលប្រហែល ២ ឆ្នាំកន្លះក្នុងការឈានដល់កម្រិតដែលខ្លួនចង់បាន ជាពិសេសគឺផ្តោតទៅលើស្មាតហ្វូន Huawei P20 Pro មានប្រើបច្ចេកវិទ្យាកាមេរ៉ា ៣ គ្រាប់ និងអមឈីប Kirin 970 វិវត្តកាន់តែខ្លាំងលើមុខងារ AI។
No comments:
Post a Comment